Віцебскае абласное ўпраўленне Фонду сацыяльнай абароны насельніцтва інфармуе:

Кіраўніком дзяржавы падпісаны Закон Рэспублікі Беларусь ад 22 красавіка 2024 г. № 365-З "Аб змене законаў па пытаннях прадпрымальніцкай дзейнасці".

Дакументам пашыраны пералік суб'ектаў абавязковага ўдзелу ў сістэме дзяржаўнага сацыяльнага страхавання.

Да такіх суб'ектаў будуць ставіцца грамадзяне, якія ажыццяўляюць:

• самастойную прафесійную дзейнасць, пры вядзенні якой выплачваецца адзіны падатак з індывідуальных прадпрымальнікаў і іншых фізічных асоб;
• рамесную дзейнасць, пры ажыццяўленні якой выплачваецца рамесны збор;
• дзейнасць па аказанні паслуг у сферы аграэкатурызму, пры ажыццяўленні якой выплачваецца збор за ажыццяўленне гэтага віду дзейнасці.

Пачынаючы з 1 кастрычніка 2024 г. дадзеныя грамадзяне абавязаны выплачваць абавязковыя страхавыя ўзносы на пенсійнае страхаванне ў бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь.

Парадак выплаты ўзносаў і іх тэрміны для ўказаных асоб, вызначаны Законам № 365-З, аналагічныя, як для індывідуальных прадпрымальнікаў, у адпаведнасці з Законам Рэспублікі Беларусь ад 15 ліпеня 2021 г. № 118-З "Аб узносах у бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь":

аб'ект для налічэння ўзносаў - вызначаны імі даход,

• не менш за памер мінімальнай заработнай платы, устаноўленай і праіндэксаванай у адпаведнасці з заканадаўствам у месяцы, за які выплачваюцца ўзносы;
• не больш за шэсцьдзесятразовую велічыню сярэдняй заработнай платы работнікаў у рэспубліцы за апошні месяц года, які папярэднічае году, за які выплачваюцца ўзносы (артыкулы 4, 9 Закона № 118-З);

Даведачна. Памер месячнай мінімальнай заработнай платы са студзеня 2024 года ўстаноўлены ў суме 626,00 рубля; памер намінальнай налічанай сярэднямесячнай заработнай платы за снежань 2023 г. - 2271,00 рублёў.

памер узносаў на пенсійнае страхаванне (у працэнтах ад аб'екта для іх налічэння) - 29 працэнтаў (артыкул 5 Закона № 118-З);

Даведачна. Узносы на сацыяльнае страхаванне (6 працэнтаў) фізічнымі асобамі, якія ажыццяўляюць самастойную прафесійную дзейнасць, рамесную дзейнасць і дзейнасць па аказанні паслуг у сферы аграэкатурызму не выплачваюцца.

выплата ўзносаў за перыяды ажыццяўлення ў справаздачным годзе дзейнасці – штогод, не пазней за 1 сакавіка года, наступнага за справаздачным (за 4 квартал 2024 г. – не пазней за 1 сакавіка 2025 г.) (артыкулы 8, 11 Закона № 118-З).

Звяртаем увагу! Навацыі, унесеныя Законам № 365-З, не закранаюць парадак выплаты ўзносаў у бюджэт фонду плацельшчыкамі падатку на прафесійны даход.

Падрабязную інфармацыю можна атрымаць у раённых аддзелах (сектарах) Фонду сацыяльнай абароны насельніцтва.