У канцы ліпеня школьнікі і іх бацькі традыцыйна пачынаюць актыўную падрыхтоўку да наступнага навучальнага года. Набыццё школьных тавараў у гэты перыяд з'яўляецца істотным артыкулам выдаткаў для хатніх гаспадарак.

З мэтай забеспячэння даступнасці школьных тавараў для насельніцтва МАРГ распрацавала рэкамендацыі па фарміраваннi цэн па ўсім ланцужку тавараў, уключаючы вытворцаў, пастаўшчыкоў школьных тавараў, а таксама гандлёвыя арганізацыі.

МАРГ рэкамендуе суб'ектам гаспадарання пры фарміраванні кошту на школьныя тавары (адзенне і абутак дзелавога стылю, бялізну, панчошна-шкарпэткавыя вырабы, ранцы, заплечнікі, партфелі, сумкі для навучэнцаў, дзіцячыя сумкі, папярова-белавыя тавары (сшыткі, альбомы, дзённікі і іншыя), вокладкі для сшыткаў, дзённікаў, падручнікаў, канцылярскія тавары) выкарыстоўваць наступныя падыходы:

вытворцам - гранічны максімальны нарматыў рэнтабельнасці, які выкарыстоўваецца для вызначэння сумы прыбытку, які падлягае ўключэнню ў адпускныя цэны вытворцаў на школьныя тавары, не павінен перавышаць фактычны ўзровень рэнтабельнасці рэалізаванай прадукцыі, які склаўся за 2021 год па адпаведнай таварнай пазіцыі, або 15 працэнтаў у выпадку, калі фактычны ўзровень рэнтабельнасці рэалізаванай прадукцыі за 2021 год па адпаведнай таварнай пазіцыі склаў менш за 15 працэнтаў;

імпарцёрам, суб'ектам аптовага звяна і рознічнага гандлю - гранічныя максімальныя надбаўкі імпарцёра, аптовыя надбаўкі, гандлёвыя надбаўкі (з улікам аптовай надбаўкі) не павінны перавышаць 30 працэнтаў.

Разам з тым МАРГ адзначае, што вытворцам, пастаўшчыкам школьных тавараў і гандлёвым арганізацыям неабходна падыходзіць да пытанняў цэнаўтварэння ўзважана з улікам існуючай эканамічнай сітуацыі, а таксама памятаць аб высокай сацыяльнай адказнасці, ажыццяўляючы вытворчасць і рэалізацыю школьных тавараў.

МАРГ будзе працягнута работа па вывучэнні існуючай цэнавай сітуацыі на рынку школьных тавараў, таксама запланаваны адпаведныя кантрольна-аналітычныя мерапрыемствы.