26 верасня ў Беларусі пройдзе Адзіны дзень бяспекі. Асноўнымі арганізатарамі акцыі з'яўляюцца МНС, МУС, Міністэрства аховы здароўя, мясцовыя выканаўчыя і распарадчыя органы, таксама да іх далучацца грамадскія аб'яднанні, сродкі масавай інфармацыі і іншыя зацікаўленыя арганізацыі.

Як часта Вы задумваецеся, наведваючы гандлёвы цэнтр ці кінатэатр, кафэ або спартыўны комплекс, дзе знаходзяцца эвакуацыйныя выхады і куды вы накіруецеся ў выпадку пажару? Добра, калі на гэты аб'ект Вы прыходзіце не ў першы раз і хоць крыху арыентуецеся, але і гэта не дае поўнай гарантыі, што вы не разгубіцеся ў выпадку надзвычайнай сітуацыі. А калі Вы несяце адказнасць не толькі за сябе, але і за іншых людзей? Разгубленасць - "дрэнны дарадца" ў любой сітуацыі, а тым больш у надзвычайнай, калі кошт памылкі - жыццё. Каб быць упэўненым у сваіх дзеяннях, не паддавацца паніцы, трэба ведаць правільны алгарытм дзеянняў. Нялішнім будзе выпрацаваць у сябе звычку, заходзячы, напрыклад, у гандлёвы цэнтр, пракруціць у галаве маршрут, па якому вы зможаце хутка выйсці на вуліцу, калі сумняваецеся адказ заўсёды можна знайсці на плане эвакуацыі.

У Адзіны дзень бяспекі кіраўнікі аб'ектаў арганізуюць практычную адпрацоўку планаў эвакуацыі. Як і куды правільна рухацца, на якія знакі арыентавацца, каб застацца ў жывых пры пажары і іншых НС, як правільна карыстацца першаснымі сродкамі пажаратушэння і аказаць першую дапамогу - жыхары раёна змогуць даведацца не толькі ў тэорыі, але і на практыцы.

У гарадскім пасёлку Шаркаўшчына тэматычныя мерапрыемствы запланаваны 26.09.2024 на адкрытай пляцоўцы раённага Цэнтра культуры па адрасе вул. Энгельса, 2.

На свяце будзе арганізаваны цэлы шэраг упадабаных гульнявых пляцовак, на якіх госці змогуць вывучыць алгарытм выкліку службы выратавання, правілы карыстання рознымі сродкамі пажаратушэння, аказання першай дапамогі, дзеянняў пры іншых НС. І дарослыя, і дзеці даведаюцца якіх правіл неабходна прытрымлівацца, каб пры пажары не пацярпець і хутка пакінуць месца здарэння, па якіх тэлефонах тэлефанаваць ратавальнікам і якую інфармацыю неабходна паведаміць.

З дапамогай інтэрактыўных пляцовак удзельнікі Адзінага дня бяспекі змогуць адпрацаваць дзеянні ў выпадку розных надзвычайных сітуацый, павысіць узровень ведаў у галіне бяспекі, а таксама праверыць іх, прайшоўшы тэсціраванне.

Запрашаем усіх далучыцца да мерапрыемстваў у рамках Адзінага дня бяспекі, разам з ратавальнікамі праверыць свае веды ў вобласці бяспекі і замацаваць іх, каб пры рэальнай НС не разгубіцца, выратаваць сваю жыццё і дапамагчы таму, хто побач.