У Шаркаўшчыне сустрэлі свята 1 Мая ярка і весела. На канцэрце "Мары, танчы і спявай!" сваім землякам стваралі радасны і святочны настрой удзельнікі дзіцячага тэатра эстраднай песні "Маленькая фея", хлопцы з узорнага цыркавога калектыву "Мара", эстраднай студыі "Карамелькі", калектыву ўсходніх танцаў "Айша", узорнага тэатра моды "Гармонія" і калектыву лыжкароў "Забава" з аг.Германавічы. Не давалі нікому сумаваць вясёлыя клоўны Клёпа і Топа.

Старшыня Шаркаўшчынскага раённага аб'яднання прафсаюзаў Ігар Віктаравіч Малюгін падзякаваў хлопцам за выдатны канцэрт і ўручыў ім салодкія падарункі.