Паважаныя жыхары Шаркаўшчынскага раёна!

Шчыра віншуем вас з Днём народнага адзінства!

17 верасня 1939 года стала пачаткам уз'яднання Заходняй і Усходняй Беларусі, падзеленай у 1921 годзе па ўмовах Рыжскай мірнай дамовы. Адноўленае адзінства тэрыторыі дазволіла нашай краіне разам з усім савецкім народам выдужаць у гады Вялікай Айчыннай вайны, заняць ганаровае месца ў міжнароднай супольнасці, стаць адной з сузаснавальнікаў Арганізацыі Аб'яднаных Нацый.

Сёння дата 17 верасня набыла новую каштоўнасць: яна падкрэслівае пераемнасць пакаленняў, самадастатковасць беларускай нацыі, агульнасць духоўна-маральных арыенціраў і памкненняў беларусаў.

Менавіта ў адзінстве наша сіла і рэзерв для далейшага развіцця мірнай, суверэннай і квітнеючай краіны. Бо калі мы адзіныя, нам пад сілу рашэнне любых задач, дасягненне ўсіх пастаўленых мэт.

Дарагія сябры! У гэты святочны дзень жадаем вам моцнага здароўя, шчасця, поспехаў у працы, згоды, міру і дабра. Няхай нашы сэрцы заўсёды будуць напоўнены гонарам за нашу любімую Беларусь!

Старшыня Шаркаўшчынскага

раённага выканаўчага

камітэта

Д.М. Ламака

Старшыня Шаркаўшчынскага

раённага Савета дэпутатаў

В.С. Шпец