Дарагія жанчыны Шаркаўшчынскага раёна!

Прыміце самыя цёплыя віншаванні з самым кранальным, шчырым і добрым Днём маці!

Сімвалічна, што гэты дзень звязаны з вялікім праваслаўным святам - Пакровам Прасвятой Багародзіцы. Спрадвеку жанчына акружана святым арэолам мацярынства. Бо самы дасканалы дар, вялікая адказнасць і паўсядзённая самаадданая праца – быць маці.

Нездарма кажуць, што з малаком маці мы ўбіраем любоў да Радзімы, далучаемся да прыгажосці роднай мовы, атрымліваем у спадчыну сямейныя традыцыі. Бязмерна шчаслівы той чалавек, якога клапатлівыя матчыны рукі і добрыя словы падтрымліваюць не толькі ў дзяцінстве, але і ў сталыя гады. Вашы бясконцыя любоў, цярпенне і мудрасць робяць нас мацней, дапамагаюць пераадольваць нягоды і верыць у поспех.

Нізкі вам паклон і шчырыя словы падзякі! Жадаем вам доўгага і шчаслівага жыцця ў асяроддзі блізкіх людзей. Няхай дзеці апраўдваюць вашы надзеі, цешаць сваімі дасягненнямі, дораць клопат і ўвагу. Моцнага здароўя, шчасця, згоды, дабрабыту і дастатку ў доме!

Старшыня Шаркаўшчынскага

раённага выканаўчага

камітэта

Д.М. Ламака

Старшыня Шаркаўшчынскага

раённага Савета дэпутатаў

В.С. Шпец