— У Пасланні Прэзідэнта чарговы раз знайшоў пацвярджэнне прынцыпу сацыяльна арыентаванай палітыкі нашай дзяржавы. Ужо той факт, што сваё выступленне Аляксандр Лукашэнка рыхтаваў, вывучыўшы праз СМІ чаканні грамадзян ад Паслання, кажа аб многім. Як і ўзнімаемыя Кіраўніком дзяржавы пытанні, абазначаныя ім прыярытэты развіцця Беларусі.

Успомнім Асноўны Закон нашай краіны. «Рэспубліка Беларусь - унітарная дэмакратычная сацыяльная прававая дзяржава», - гаворыцца ў тэксце Канстытуцыі. І ўсе мы былі сведкамі, колькі ўвагі Прэзідэнт удзяліў такім паняццям, як адзінства нацыі, народаўладдзе, сацыяльная справядлівасць.

Дарэчы, адбыўшыся ў лютым 2022 года рэспубліканскі рэферэндум па ўнясенні змяненняў і дапаўненняў у Канстытуцыю – яскравы прыклад дыялогу ўлады і грамадства, супольнасці беларусаў у прыняцці важных дзяржаўных рашэнняў. Большасцю ў мінулым годзе на канстытуцыйным узроўні мы вызначылі шэраг новых стратэгічных напрамкаў. Чаму папярэднічала маштабная праца з насельніцтвам: было праведзена мноства дыялогавых пляцовак і сустрэч з лідэрамі меркаванняў, сабрана больш за тысячу прапаноў ад грамадзян.

Кіраўнік дзяржавы нагадаў, што да бліжэйшых выбараў у Беларусі засталося менш за год. Электаральная кампанія, паводле абноўленай Канстытуцыі, пройдзе па-новаму. Гэтакага маштабнага працэсу ў нас яшчэ не было. У сувязі з гэтым Прэзідэнт даручыў прадоўжыць дыялог з людзьмі. Таксама ўжо сёння на месцах, у студэнцкіх аўдыторыях, на заводах, у арганізацыях неабходна абмеркаваць з людзьмі, якія пытанні будзем выносіць на узровень першага канстытуцыйнага складу Усебеларускага народнага сходу.

Дзейнасці гэтага органа Прэзідэнт удзяліў асаблівую ўвагу, падкрэсліўшы, што там будуць вырашацца фундаментальныя і стратэгічныя пытанні развіцця дзяржавы. Аляксандр Рыгоравіч акцэнтаваў увагу, што на прыкладзе работы УНС трэба паказаць Захаду сапраўдную дэмакратыю. Бо дэлегатаў Усебеларускага народнага сходу выбіраць будзе менавіта беларускі народ. І на сходзе праз гэтых дэлегатаў гучаць будзе голас менавіта народа: усіх - ад сельскіх працаўнікоў да навукоўцаў, людзей, якія хварэюць душой і сэрцам за краіну. За імі - задача стратэгічнай ініцыятывы.

Народ — адзіная крыніца дзяржаўнай улады і носьбіт суверэнітэту, адзначыў Кіраўнік дзяржавы. Менавіта таму галоўны прынцып нашай палітыкі - сацыяльная справядлівасць. І мы будзем прытрымлівацца яго, што б ні адбывалася ў свеце і ў краіне, падкрэсліў Прэзідэнт.

Зноў падчас Паслання прагучала тэма развіцця рэгіёнаў, ключавым напрамкам тут з'яўляецца стварэнне камфортных умоў для жыцця па-за вялікімі гарадамі. Гэта і ўдумлівы падыход да аптымізацыі інфраструктуры, жыллёвае будаўніцтва, даступная медыцына. Цешыць, што Прэзідэнт заявіў аб новым падыходзе ў падтрымцы рэгіёнаў: чым далей ад Мінска, тым больш ільгот і прэферэнцый. Гаворка ў першую чаргу аб забеспячэнні людзей працоўнымі месцамі, годнай заработнай платай і жыллём. Калі створым працоўныя месцы з заробкам на ўзроўні не ніжэйшым за сярэдні па вобласці або галіне, забяспечым людзей жыллём з неабходнай інфраструктурай - людзі застануцца на месцах, не захочуць з'яжджаць з аграгарадкоў і раённых цэнтраў. А для гэтага трэба яшчэ больш старанна падыходзіць да рэалізацыі прынцыпу «адзін раён - адзін праект», пазначанага Прэзідэнтам.

Што сімвалічна: каштоўнасныя арыенціры, моцныя рэгіёны і ўмацаванне дыялогу паміж дзяржавай і чалавекам - у ліку прыярытэтаў Праграмы сацыяльна-эканамічнага развіцця Беларусі, зацверджанай па выніках Усебеларускага народнага сходу на пяцігодку. Гэта значыць, што ўлада і народ глядзяць у адным кірунку - у кірунку стварэння на карысць будучыні Беларусі. Гэта аснова нашай нацыянальнай ідэі. І служыць гэтай ідэі павінны мы ўсе і словам, і справай. Тым больш, названыя Кіраўніком дзяржавы ўмовы суверэнітэту і незалежнасці нашай краіны на самой справе простыя і па сілах і кіраўнікам, і звычайным грамадзянам.

Аляксандр Барыло http://www.klich.by/?p=120134