На урачыстым мерапрыемстве "Мы памятаем, мы ганарымся", якое пачалося ў райцэнтры раніцай на плошчы Леніна, прысутнічалі кіраўніцтва раёна, вязні фашысцкіх канцлагераў, ветэраны працы, прадстаўнікі духавенства, моладзь, кіраўнікі і прадстаўнікі працоўных калектываў.

Старшыня раённага выканаўчага камітэта Дзмітрый Ламака ў сваім выступленні падкрэсліў, што Дзень Вялікай Перамогі нагадвае нам пра гераізм і мужнасць, пра доблесць і гонар, пра адзінства і згуртаванасці нашага народа. У гэтыя майскія дні мы з падзякай успамінаем тых, хто абараняў нашу Радзіму. Іх самаадданая любоў да Айчыны з'яўляецца для нас прыкладам сапраўднага патрыятызму.

Светлую памяць загінуўшых ушанавалі хвілінай маўчання і трохразовым зброевым салютам. У знак павагі да светлай памяці загінуўшых абаронцаў Айчыны былі ўскладзены кветкі да помніка загінуўшым воінам.

Пасля ўрачыстай часткі ўвага мясцовых жыхароў і гасцей гарадскога пасёлка было прыкавана да юных шаркаўчан. 80 хлопчыкаў і дзяўчынак былі прыняты ў рады Беларускай рэспубліканскай піянерскай арганізацыі.