Абласная маладзёжная прэмія БРСМ «Дасягненне» сабрала 50 лепшых прадстаўнікоў паўночнага рэгіёну, якія сваімі дасягненнямі ў розных сферах дзейнасці заявілі аб сабе ў 2022 годзе. Урачыстая цырымонія ўзнагароджання пераможцаў прайшла ў Віцебскім дзяржаўным тэхналагічным універсітэце.
Кіраўніцтва аблвыканкама, прадстаўнікі яго структурных падраздзяленняў, упраўленняў і ведамстваў, іншыя ганаровыя госці ўзнагародзілі маладых прадстаўнікоў Прыдзвіння ў намінацыях «Моладзь за працу», «Медыя_моладзь», «Моладзь у спорце», «Герой нашага часу», «Моладзь памятае», «За падтрымку маладзёжных ініцыятыў», «Дасягненне».
Шаркаўшынскі раённы камітэт ГА «БРСМ» у асобе першага сакратара Веранікі Кавалеўскай адзначаны дыпломам суіскальніка абласной маладзёжнай прэміі БРСМ «Дасягненне».