У Шаркаўшчыне прайшло выязное пасяджэнне прэзідыума Віцебскага абласнога Савета дэпутатаў дваццаць восьмага склікання, якое ўзначаліў старшыня Віцебскага абласнога Савета дэпутатаў Уладзімір Уладзіміравіч Цярэнцьеў.

Тэмай для абмеркавання стала праца Шаркаўшчынскага райвыканкама і райсавета па павышэнні эфектыўнасці кіравання дзяржмаёмасцю, удасканаленні структуры і складу дзяржактываў, уцягванні ў эканамічны абарот дзяржаўнай маёмасці, якая неэфектыўна выкарыстоўваецца.

Наведаны швейная вытворчасць ІП В.Рылава ў аг.Наваселле, ТАА «Арганічныя прадукты», які вядзе рэканструкцыю будынка былога сховішча для агародніны з мэтай адкрыцця харчовай садавінагароднінай і перапрацоўчай вытворчасці, а таксама гандлёвы цэнтр на пл.1 Мая.