Беларускія аграрыі з улікам рапсу сабралі больш за 4,8 млн т збожжа, паведамляе БЕЛТА са спасылкай на Міністэрства сельскай гаспадаркі і харчавання.

У Беларусі на 30 ліпеня сабрана ўсяго збожжа (з улікам рапсу) 4845 тыс. т, з іх - 3816 тыс. т збожжавых і зернебабовых культур, 1029 тыс. т азімага рапсу. Масавая ўборка азімага рапсу завершана.

У агульную скарбонку збожжа з улікам рапсу Мінская вобласць сабрала 1237,9 тыс. т, Брэсцкая - 1162,3 тыс. т, Гродзенская - 1066,6 тыс. т, Гомельская - 538 тыс. т, Магілёўская - 504 тыс. т, Віцебская - 336,5 тыс. т.

Прадаўжаецца ўборка яравога ячменю - 74,7 працэнта ад плана, азімага жыта - 65,5 працэнта, пшаніцы - 50,3 працэнта, аўса - 41,9 працэнта, трыцікале - 41,4 працэнта, зернебабовых - 34,7 працэнта ад плана. Уборка азімага ячменю завершана.

Паралельна з уборкай ідзе церабленне лёну. Выцераблена 31,6 тыс. га (70,7 працэнта плошчаў, якія падлягаюць уборцы).

Саломы пасля ўборкі збожжавых каласавых і зернебабовых культур убрана на 46,8 працэнта да скошаных плошчаў.

Разам з уборкай ураджаю прадаўжаюцца работы па нарыхтоўцы травяных кармоў. Усяго нарыхтавана 3417,8 тыс. т кармавых адзінак (34,8 працэнта да плана), што на адну ўмоўную галаву жывёлы складае 11,36 ц кармавых адзінак (плюс 2,28 да ўзроўню 2023 года).

У ведамстве дадалі, што пастаўлена задача перад аграрыямі максімальна нарыхтаваць і ўнесці арганічныя ўгнаенні ў летне-асенні перыяд.

Усяго на палі пад сяўбу азімых культур вывезена 12,1 млн т (89,3 працэнта да нарыхтаванага) арганічных угнаенняў, унесена 2,19 млн т (16,2 працэнта да нарыхтаванага).

БелТА